ШЕКИ - НАБИБЕКОВЫ

Nəğmə dərsi

Müəllif: Hidayət Elvüsal



- Salam, uşaqlar!

- Salam, müəllim! Müəllim, ay müəllim. Röya hər şeyini satır e…

- Ə, kiri! Tərbiyən olsun! Ağzına gələni danışma!

- Ay müəllim, vallah satır!

- Nəyi satır? Röya niyə hər şeyini satsın? Maşallah…

- Yox, e, ay müəllim, maşınını satır.

- Həə? Noular? Ulduzdu də, bala! Ulduzlar eyni maşında çox gəzməzlər.

- Müəllim, ayaqqabılarını da satır.

- Doğrudan?

- Satır, müəllim. Metro stansiyalarında reklamını da asdırıb.

- O da həmin saytın vasitəsilə?

- Hə, müəllim. Əgər ayaqqabılarını da satırsa, vəziyyəti uruscadı. Yəni əli aşağıdı.

- Bala, onsuz da ulduzların bir əli yuxarıda, bir əli aşağıda olur. Yəni gah parlayırlar, gah da sönürlər. Demək istəyirəm ki, yuxarıdakı əlləri ilə qazanırlar, aşağıdakı əlləri ilə satırlar.

- Ay müəllim, elə müğənnilər var ki, əllərinin ikisi də aşağı olur. Bəs, onlar neynəyirlər?

- Sürünürlər, bala, sürünürlər. Ən yaxşı halda televiziya ekranlarında birtəhər iməkləyirlər.

- Müəllim, Mətanəti eşitmisiniz?

- Ona nə olub?

- Sement satır.

- Nə sement, ə?

- Sement satır də. Adını da «Mətanət» qoyub.

- Ə, gic-gic danışma! «Mətanət» o sementə oxşar şeyin adıdı. Hələ çox vaxt «Mata» da deyirlər. Onun hesabına kafel yapışdırırlar, hovuzun-zadın yarıqlarını yamayırlar.

- Bəs Elza?

- Ona nə olub?

- Ay müəllim, öz gözümlə görmüşəm, ayaqqabılarının biri qırmızı, o biri ağ olub. Yəni taykeş.

- Bu dəbdir, bala!

- Nəyi dəbdir, ay müəllim! Yəqin hərəsinin bir tayını satıb də.

- Bala, Elza ekstravaqant sayılır.

- Müəllim, taykeş ayaqqabının ekstravaqantlığa nə dəxli var? Bəlkə Rəhim Rəhimlinin bir cüt deyil, tək sırğa taxmasına da…

- Ə, sus, bala, sus. Nə avam adamsan, ə? Özün gənc, yeniyetmə, fikirlərin köhnə. İndi belə dəbdi. Əgər düşünürsənsə Rəhim qulaqlarındakı sırğanın bir tayını satıb, yanılırsan. Elə Faiq kimi nəhəngin də qulağındakı sırğa təkdir. O ki, qaldı Röyaya…

- Müəllim, Röya başqa geyimlərini də satacaq?

- Sənə nə?

- İstəyirəm ki, onun…

- Sus! Tərbiyəsiz! Heç nə demə! Səndən düzəməlli söz çıxmaz!

- Müəllim…

- Sus! İndi axmaq bir söz işlədəcəksən. Sinifdə mən varam, qız uşaqları var.

- Bilirəm, ay müəllim. Mən nə deyirəm ki?

- Sus! Sən demə! Sən heç nə demə!

- Müəllim, yox e, siz başqa yerə yozmayın. Siz düşündüyünüz nəyimə lazımdı? Mən onun…

- Hə, sən onun nəyini almaq  istəyirsən?!

- Eynəyini!

- Hə?

- Hə!

- Hə, noular? Eynəyini olar. Amma başqa şey…

- Ay müəllim, mən başqa şeyi neynirəm? Əynimə geyinməyəcəyəm, başımın üstündən asmayacağam. Eynəyini alardım ay müəllim, eynəyini. Bilmək istəyirəm ki, bu dünya o eynəyin arxasından necə görünür…

Mənbə: Modern.az

 



Создан 27 июл 2016



  Комментарии       
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником
Анализ фамилии:
Эта фамилия имеет тюркское происхождение и пришла к нам, скорее всего, из татарского или башкирского языка. Она образована от слова «бек», которое означает «господин, хозяин».

Значение фамилии:
В процессе исследования...
счетчик посещений Kataloq Valyuta.com